पवित्र पोर्टलमार्फत दुस-या टप्प्यातील शिक्षक पदभरतीसाठी करावयाच्या कार्यवाहीबाबत.

 पवित्र पोर्टलमार्फत दुस-या टप्प्यातील शिक्षक पदभरतीसाठी करावयाच्या कार्यवाहीबाबत.

विषयः- पवित्र पोर्टलमार्फत दुस-या टप्प्यातील शिक्षक पदभरतीसाठी करावयाच्या कार्यवाहीबाबत.

संदर्भ:-१. शासन पत्र क्र. संकीर्ण-२०२४/प्र.क्र.६६६/टिएनटी-१, दि.१०/०९/२०२४. २. मा. आयुक्त (शिक्षण) महाराष्ट्र राज्य, पुणे यांचे कडील दि.१३.०९.२०२४ रोजीची पत्र.

उपरोक्त संदर्भीय पत्रान्वये पवित्र पोर्टलमार्फत दुस-या टप्प्यातील शिक्षक पदभरतीबाबत शासनाकडून निर्देश प्राप्त आहेत. त्यानुसार शिक्षक पदभरतीबाबतची कार्यवाही करावयाची आहे. (प्रत संलग्न) 

                  १. भरती प्रक्रीयेमधील अपात्र, गैरहजर व रुजू न झालेल्या उमेदवारांमुळे रिक्त राहीलेली पदे उर्वरित पात्र उमेदवारांमधून गुणवत्तेनुसार भरणे हा भरती प्रक्रीयेचाच एक भाग आहे. यानुसार या पूढील सर्व भरती प्रक्रीयेमध्ये अपात्र, गैरहजर व रुजू न झालेल्या उमेदवारांमुळे रिक्त राहिलेली पदे उर्वरित उमेवारांमधून गुणवत्तेनुसार भरण्यात येणार आहेत, त्यामुळे या पदांची देखील माहिती तयार ठेवावी, जेणेकरुन सदर रिक्त पदे नव्याने येणा-या जाहिरातीच्या वेळी विचारात घेता येतील.

                   २. शासन निर्णय दि.१०/११/२०२२ मधील तरतूदीनुसार पोर्टलवर जाहिराती घेण्यात येणार आहेत. दुस-या टप्प्यातील जाहिराती घेवून पदभरतीची कार्यवाही येणार असल्याने आपल्या अधिनस्थ शैक्षणिक संस्थांना याबाबत अद्यावत बिंदूनामावलीनुसार रिक्त पदे तसेच गट व विषयनिहाय रिक्त पदांची माहिती तयार ठेवण्याच्या सूचना देण्यात याव्यात. जाहिरातीची सुविधा दिल्यानंतर पोर्टलवर जाहिरात देण्याबाबत फळविण्यात सर्व शैक्षणिक संस्थांना कळविण्यात यावे.

                     ३. महाराष्ट्र राज्यातील सामाजिक व शैक्षणिक मागासवर्गाकरिता अधिनियम, २०२४ राज्यात दिनांक २६/०२/२०२४ पासून लागू करण्यात आला आहे. त्यअनुषंगाने सामान्य प्रशासन विभागाने विविध शासन निर्णय व पत्राद्वारे वेळोवेळी निर्देश दिलेले निर्देश व सूचना विचारात घेवून नवीन येणा-या जाहिरातीमध्ये सामाजिक व शैक्षणिकदृष्ट्या मागास (एसईबीसी) या प्रवर्गाकरिता आरक्षण विचारात घेवून प्रवित्र पोर्टलवर जाहिरात देण्याची कार्यवाही करण्यात यावी.

                       पवित्र पोर्टलमार्फत दुस-या टप्प्यातील जाहिरातीची कार्यवाही करावयाची असल्याने, सदरची कार्यवाही तात्काळ करण्यात यावी व पवित्र पोर्टलवर जाहिरातीची सुविधा दिल्यानंतर तात्काळ त्यानुसार यापूर्वी जाहिरातींसाठी दिलेल्या निर्देशाप्रमाणे कार्यवाही करावी.

 सोबतः-संदर्भीय पत्र

⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️

सदर परिपत्रकाची PDF DOWNLOAD करण्यासाठी खालील चित्राला टच करा.