निबंध आई संपावर गेली तर

⚜️ आई संपावर गेली तर... ⚜️

            आई संपावर गेली तर माझे पूर्ण आयुष्यच बदलून जाईल. आई घरात असते म्हणूनच बाबा निर्धारस्तपणे त्यांच्या कामाला जाऊ शकतात. आई घरात असते म्हणून मी आणि माझी ताई निर्धास्तपणे शाळेत जाऊ शकतो. अशी आमची आई संपावर गेली तर सकाळी मला गरमागरम दूध प्यायला कोण देईल ? शाळेत जाताना ताजा भरलेला डबा कसा मिळेल? घरात काही संपलेले असले तर आईचे बरोबर लक्ष असते. विजेचे, सोसायटीचे, फोनचे बिल भरणे, बँकेत जाणे, इस्त्री चे कपडे तयार ठेवणे, रोजची भाजी आणि किराणा सामान आणणे, कामवाल्या बाईकडून व्यवस्थितपणे काम करून घेणे. आम्ही आजारी पडलो तर आमची काळजी घेत. आजोबांची औषधे आठवणीने देणे, माझा आणि ताईचा अभ्यास घेणे. अशा सारखी कामे कोण करेल?

          माझी आई घरातील कामव्यतिरिक्त शिवणकाम ही करते. जसा वेळ मिळेल तसे ती इतर कामही करते. त्यामुळे मला असे वाटते की आईला जणू काही दहा हातच आहे की काय?

          माणूस संपावर का जातो? कारण त्याच्या कामाची किंमत इतर कोणालाही नसते. आईला आमच्या घरात बाबांपासून सर्वच घरातील लोक मान देतात त्यामुळे आई संपावर कधी जाणार नाही. तशी ती गेली तर आमचे हाल खूप होतील हे मात्र नक्की !

🕳️🕳️🕳️🕳️🕳️🕳️🕳️🕳️🕳️🕳️🕳️🕳️🕳️🕳️🕳️🕳️

तुम्हाला जर इतर निबंध वाचायचे असतील तर खाली टच करा.

👇